今日約13:30收到娘親電話…
「喂，你今晚有冇街去？」「冇喎」
「我今朝好似冇熄火就出左門口…」(註︰我娘親大概09:00出門口吧…)
跟住呢句要注意…
「你今晚早D番屋企，睇下我有冇熄火」
囧rz…
我放工番到屋企，屋企早就火燭燒哂啦！
我就咁同佢講，佢答︰「咁我駛唔駛而家番屋企？」「唔知，妳自己諗啦」「(佢真係諗)………你今晚早D番屋企啦」
囧rz……………呢個係思考後得出既答案…….？
事實上，就算而家番屋企，要燒都早就燒著左………..
於是我打定輸數，一直盤算我屋企有咩係一定係絕對唔可以俾火燒既呢？數左一大堆，又好似真係冇，身分証跟身，錢又萬能，又真係未至於屋企有樣野冇左佢會唔得…
後來我娘親真有番屋企，結果發現熄左火，可喜可賀。
我娘親呢番說話實在太型了，自問有所不及………….型子，係遺傳的…………….
我輸了……………………………
(本文全無法律基礎，純為一名隱閉青年為呃Post而作，如覺得為歪理，請comment之並見諒)
男子盜信用卡網上消費囚20個月
一名男子透過輸入不同信用卡號碼的組合，偷取別人信用卡的資料，騙取網上購物的優惠券，和參與網上遊戲獲利，被判監20個月。
27歲被告下午在區域法院承認12項不誠實使用電腦控罪。控方指出，被告知道每張信用卡16位數字的號碼，只有最後四個或八個號碼會不同，他於06年初，用電腦登入一些只要輸入信用卡號碼和有效日期的色情網站，嘗試以不同的號碼登入，結果試過四百多次後，得到20組真正的號碼，他利用這些信用卡資料，購買網上優惠券、和參與網上遊戲和異性聊天服務，花費逾11000元。警方在去年三月，接獲網上公司舉報，經過調查後，拘捕被告。
法官判刑時指，罪行嚴重，令其他信用卡使用者蒙受損害，亦有損公眾對網上購物的信心，不可以輕判。
好，首先令我起眼既係，「偷取別人信用卡的資料」、「不誠實使用電腦控罪」、「結果試過四百多次後」…
容許我做個總結？總之有條友怒試信用卡號碼，又俾佢試到20組用得既，結果就拎去用黎買下野之類…
作為一個IT人，如果寫個system出黎，可以俾人怒撞Login Password又撞到既，你估下結果係你俾人鬧定係亂撞Login Password果條友俾人鬧…不言而喻啦？
好，都要鬧一鬧條友(唔知香港有幾多IT公司會咁做)，點知條友一句話︰「喂，我點知唔撞得呀？試下自己Password唔得呀？」又係喎，邊個話唔撞得架？仲想告佢「不誠實使用電腦控罪」添！
咁問題又黎喇，咩叫「誠實使用電腦」？唔俾撞Login Password？不妨試下係Terms and Conditions加入「唔俾撞Login Password」，你老細恐怕會問你一句︰「信定皮？(收信？定收皮？)」
咪理啦，佢知道人地Account資料丫嘛，告佢「偷取別人Account資料」啦！「喂，我冇偷喎。」又真係喎。
所以某程度上我真係幾羡慕Payment Gateway既System，喂，咁惡既你？
妖，咁唔通條友無罪呀？有罪，有罪，我唔知有無一條罪叫「未經他人同意使用其信用卡購物罪」，但有既話就呢條啦，不問自取是為賊也！同偷野一樣咁大罪架。(後來搵到「以欺騙手段取得財產」)
即係，我想講係，其實單野個重點唔係「電腦」卦？擺明係偷野啦？佢係「偷竊」呀，唔係「亂用電腦」呀！電腦充其量只係偷野既一種手段…即係假如我寫左個Program會發射原子彈去美國恐怖襲擊，結果判我「不誠實使用電腦控罪」…好似…有問題呀可？
用電腦係手段！偷竊先係罪行！大佬！判咩「不誠實使用電腦控罪」…仲要係得呢條罪！講到電腦好似係咩洪水猛獸咁…你唔識電腦，電腦就梗係得人驚啦！
猶記得古惑天皇一案，法官判硬牒內檔案為實物，點解呀？因為硬牒係實物囉！實物裝住既野仲唔係實物？
我個腦係實物，腦諗既野都應該係實物，咁我係條街上面諗起把刀，駛唔駛告我攜帶武器呀？我係公眾場所尿急，又駛唔駛告我露械？
總結！有罪！當然有罪！但！重點唔係電腦囉………………………………………..
