《蘋果日報》20090206 - 性慾強鳳姐殺手自白：做愛太激錯手殺人
又是與鳳姐殺手相關的文章。話說鳳姐殺手落網後，作出如生果報所述之供詞…
閱畢後感想︰個編輯收左錢呀？成篇報導都在說這位鳳姐殺手性能力很強，又好英俊云云…聽落真是十分的不爽。
問及其殺人理由，「Sorry，我做愛勁得滯。」這理由有夠囧…
以後大家可以如此對答︰
「點解你今日番工又遲到？」「Sorry，我做愛勁得滯。」
「你既工作表現好唔得。」「Sorry，我做愛勁得滯。」
「點解你要學恒宇仁龍拳？」「Sorry，我做愛勁得滯。」
《蘋果日報》20090204 - 連環殺妓案，擬出動超級電腦
《星島日報》20090205 - 警憑閉路電視拘「鳳姐殺手」
睇番兩篇報導，第一個疑問就係︰「超級電腦」究竟係乜鬼黎架呢？
我腦海中就即時浮現Quantum Computer…老實講就係好想見識一下係乜鬼，就當佢係Quantum Computer啦。希望警方可以公佈下係咩Config…
用一部咁勁既電腦，可以點捉兇手呢？一般人對電腦知識有限，甚至可能以為係機械人去辦案都唔出奇，就好似機動警察咁！咁我地話哂叫行內人士，都知道超級電腦用途，應該係做Data mining或Analyse之類，因而需要大量既Processing power。嗯…唔通警方有好多鳳姐資料，多到要用超級電腦？
呢部超級電腦無辜負大家既期望，今日話用，結果聽日就破案！認真神奇！原來果真係用黎做分析，但分析內容係乜就無乜提及，好神秘…我開始懷疑其實只係用黎上網或一般文書用途…希望警方能夠提高透明度話我知佢做過D乜…
無論如何啦，超級電腦一日破案，勁呀…既然係咁點解唔一早拎出黎用？咪住先，應該話，呢部超級電腦平時係咪唔做野的？咁算唔算浪費公帑？遇到咩環境先會用呢？有冇相關指引？
有冇覺得，成件破案事件好唔合邏輯？(即係，你破案咪破案囉，你又要哂命但又唔肯講細節最弊又多疑點…)
由濫用「不誠實使用電腦」開始警方既IT智商已經被證實係好低，無啦啦今次就威番次黎野高科技破案？我又唔信呀，尤其係假如警方真係有咁強勁既電腦同知識，我又唔信佢而家先拎出黎哂命呀，你估夜郎自大既井底之蛙我真係見得少呀(日日照鏡都見到隻啦)…
如題，我就是不喜歡拆利巿。
自幼家貧，卻也沒有甚麼要買的，因此對錢慾望不大。但小孩子總是喜歡零用錢的，拿到利巿總是喜歡用來買心愛的東西的。
但自幼怪胎的我有點不同。忘了是哪一年，大概就是小三四罷，突然發現自己的利巿錢，其實很少，只有數百元。當時突然醒悟，原來我每年為了這居居數百元興奮起來？登時有點討厭自己，因為有種勢利的感覺。於是從那時開始，不知哪裏來的豪氣，就定下「不拆利巿」的規條，並且對自己說︰我就是要把Lucky Money的Lucky都儲起來！
十多年了，老實說有時沒錢又懶得去ATM還是要拆上一拆，不至於沒碰過，但很少。是的，我這麼多年的利巿都儲起來了，而且是亂扔…在我家裏，床、衣櫃、抽屜、檯上隨處可見利巿，別猶豫，真的有錢的！
很無謂，而且浪費錢。但這不多的金錢竟換到了阿Q般的自豪感，算是精神勝利的一種吧。小孩子不要亂學，哥哥可是有練過的哦！
首先，應該有很多人都聽過第一則的了︰
問︰美國(USA)的細佬是誰呢？
答案就是…………………按這裏。
好了，第二則是原創的︰
問︰美國中央情報局跟香港刑事情報科有甚麼關係呢？
好難啊！兩個情報機關會有甚麼關係呢？答這題問題會不會洩露國家機密？
其實，答案是………………….兄弟！
美國中央情報局(CIA)跟香港刑事情報科(CIB)當然就是兄弟！(參考第一則)
夠了！我們不要深究好了…
