IT膠人你唔出聲無人知你膠
＊＊＊＊＊＊＊＊＊＊＊＊＊＊＊＊＊＊
(前略)
譚偉豪議員：多謝主席。主席，作為議員，我們有機會與特首直接溝通，直接發問。但是有很多市民，特別是互聯網界有很多網民，都是沒有機會直接與特首提問，令到他們常向我反映與特首有一定的距離，而他們真的很想爭取這個機會。我亦留意到，國際政治領袖如美國奧巴馬、我們國家主席和總理，也先後透過互聯網與市民作線上交流。我在此想問行政長官兩個問題，第一，不知特首會否有膽量，或者有沒有打算，召開行政長官網上答問大會，這是第一個問題。第二個問題，好多市民也很關心互聯網世界的發展，特別是今年年初推出的淫褻及不雅條例的諮詢。我亦想問特首，特首作為我們特區的特首，以及作為家長，你覺得應否對網絡世界加強監管。
行政長官：(可以不理)
譚偉豪議員：我想追問特首剛才說可以探討與網民在線上即時做答問，我不知特首有否這個能力，懂得網上語言，是要找秘書打，還是自己可以直接在網上與我們的網民溝通？
行政長官：你講的是用．．．Dialogue?
譚偉豪議員：用中文還是英文在網上直接與他們溝通？
行政長官：我現在日日都在用，日日都用，我不是這樣落後，我正在用。
(後略)
真係頂唔順IT膠人，真係要鬧一鬧。以下用廣東話，勿怪。
首先，居然想叫特首去召開網上答問大會？駛乜咁煩呀？你試下叫特首上高登逛個圈留個言咪知結果囉。黃子華講得好呀︰「想知特首夠唔夠民望連任？你叫特首求其搵個大型屋村入到兜一轉，如果可以無事走番出來，你連任喇！」
仲有呀，個網上搞個答問大會？個系統點得來先？睇死你政府野都唔慌會用街外web2.0既野架啦，咪又係自己寫。想寫幾多年？(特首早就換左人啦！)用幾多錢？經唔經得起一眾網民既QA考驗？我發現到個系統有bug，會唔會告我不誠實使用電腦？而且慌你唔會搞埋D和諧系統呀？我保證無一條問題係鬧特首既！因為統統和諧哂！
好啦，正經野講完，講膠野…
丫，我仲以為譚膠人係想問特首「你識唔識用網絡語言同網民溝通？」呢句好合理，雖然我唔知特首答咩，但譚膠人竟然原來係想問「你會用中文定英文？」
救命呀！！！！！而家做咩呀？封建時代呀？八股文取士？識中英文就識IT？識中英文就可以統紿香港呀？
「請問特首會點樣管治香港？」「你係咪問我會用咩政策呢？」「我問你用中文定英文呀！」
最後…特首最後答果個答案…我仲以為佢講緊霸王洗髮液添…
我現在日日都在用，日日都用，我不是這樣落後，我正在用。
起碼我用了很~舒服
現在每天還在用呢！
還給曾鈺成用！
來來來試試看！
