ShawTim’s Gossip

新任美帝奧巴馬上檯，事前聲稱自己會撤軍，姑且睇下點。

忽作奇想…橫掂都係派軍隊進駐，不如就索性入藉啦，拎個公民身分，然後有投票權。跟手就叫其中一個美軍去參選，然後叫班美軍造票…成功當選，咁就政治正確地侵略左一個地區。

簡單講，中國要侵略美國呢，派十億人入藉美國啦(先唔理人地批唔批呢個問題…)，一係就潛入美國做黑巿然後偷呃拐騙(…亦唔理十億人「潛入」呢個問題)，總之令到美國無啦啦多左十億華人先。然後投票選個華人總統，組多個共產黨，正式結束美帝生涯！

今日黑帝，他朝華帝！

想不到立法會選舉過後膠聞這麼多，一眾Blogger寫都寫到手軟啊。

其中一個焦點，當然是月入七萬的特首辦特別助理，當選立法會議員的民建聯陳克勤！他的一句「Try our Breast」深入民心，配合其英偉的外表實在令一眾痴女沉迷其中不能自拔，噢！(還好是陳克勤，假如這一句是由蔡素玉李慧琼來講的話，後果不堪設想)

某炸雞連鎖店好應該請陳克勤當代言人。我們的雞胸很新鮮呀，Try our Breast, It’s Finger Licking Good!

這點子不是我提出的，是Steve提出的。

記得銅鑼灣的阿貓地攤嗎？小喵喵在走來走去，多可愛啊。

同樣是小動物，滿是蟑螂的食肆更是舉目皆是，不如搞些「兼覓」，搞個蟑螂地攤啦！小蟑螂在你吃飯的時候走來走去，來嗲你，你又餵些食物給牠們吃，多麼的溫馨啊！

今日見到兩個靚女。

一個係我排隊時係正我後面同男友親熱，又攬又錫，搞左好耐。本來都唔係問題，但最弊佢一路親熱一路望住我嘛(=_=)！試想，一個靚女同自己男友親熱咁耐望足你咁耐，我都唔知點反應…(妄想開始…靚女望到我，心癢癢忍唔住即刻同男友親熱，嗚啊~呢度係狂想曲唔係妄想曲啊！)

另一個，搭緊巴士時坐係我隔離既港女，都係靚女乙名。佢不斷同幾個朋友講電話，又話唔得閒要收線(因為要傾下輪電話)向對方解釋一番。我心諗，如果我呢個時候加把嘴，整把男人聲佢嘆，呢位靚女都有排煩，呵呵呵。

此計劃甚為簡單，所需者主要是一名逢買必輸的倒鬼。

簡單，僱用這位明燈，撥出資金讓其投資。總之不可以對明燈有任何懷疑，要抱住虔誠的心，明燈才會打救你。

然後成立證券行，推出比甚麼「五行基金」更新奇更迷信的「明燈基金」，有錢齊齊搵！

重點來了！假如投資「明燈基金」賺了固然是妙，萬一信仰不足蝕了又怎麼辦？恭喜你！你就是新一代的明燈！公司要僱用你，以推斷出未來的新路向！

作為僱主，隨著時間過去，旗下御用明燈只會越來越精銳，為公司未來發展寫下新的一頁又一頁。

作為僱員(明燈)，想不到天生我才必有用，倒霉鬼也有出頭天！為建造新社會出一分力，好偉大。

作為投資者，賺了固然沒話說，賠了證券行就會高薪聘請你！這種服務承諾又豈是「原銀奉還」及得上！

三贏的局面！明燈萬歲！

隨手在《資治通鑑》內抽了幾句句子出來，先將其胡亂組合成文︰

夫正邪之人不宜共國，亦猶冰炭不可同器。彼知正人之功顯而危亡之兆見，皆將巧辭飾說，共長虛偽。河水在此！臣門如巿，臣心如水！千人所指，無病而死，戮一人而千萬人懼！脩己而天不與者，命也！

強，雖有點不倫不類，但句子尚算通順能解，且有種莫大的冤屈之氣，嘿。

這幾年無聊想出來而且在朋友間使用著的四字成語︰

• 縣民旗長︰某縣的巿民都有著長長的旗桿
• 慾燃右指︰慾火在右指點燃爆發！

例句︰

「我近來心情很差。」「縣民旗長。」「唉…」「看你慾燃右指的樣子，我真為你難過。」

近日經常請病假看跌打，於此人流甚高的時勢之際，病假實在很令人懷疑是去見工…

逆向思考！既然如此，公司倒不如請來一名沒有醫德的註冊醫生，在招聘面試時提供醫生紙甚至開藥(易啦…隨便開一些頭痛藥就好)，方便應徵者，說不定收到車水馬龍絡繹不絕之功效，不失為一招奇招！

某年某日，上司捉左我入條Skype Channel開一個唔關我事既會。

事緣係個德國汽車雜誌客要係大陸搞網站，想話要個Crazy name，所以捉左我呢D痴線佬入去云云。

Gen名，簡單啦。上去佢個網站一睇，好多車同好多女人。

好多車…好多女人…好多車…好多女人…好多車…好多女人…二話不說「就《轟姦》啦！」

(另一個值得一提既名係《On車》，「《On車》turns you on.」)

回想起以前第一份工，個女上司都唔知搞乜鬼既，我地成條Team一致裁定佢針對我。原因？好恰卦？

近來突然諗到招，如果可以時光倒流，咁應該可以收個女上司既皮︰

「阿Tim你點點點點點(當眾謾罵中)…」

拿，有種大家就試下，我就唔夠薑喇︰

「(故作瀟灑貌)妳，係咪鍾意我？」

「(全場肅靜)囧…」

如是者我應該會過住自由自在無人再敢針對既快樂日子…

(sorry，我真係唔敢試=_=有人試過不妨來報到一下)