見工一條龍服務
近日經常請病假看跌打，於此人流甚高的時勢之際，病假實在很令人懷疑是去見工…
逆向思考！既然如此，公司倒不如請來一名沒有醫德的註冊醫生，在招聘面試時提供醫生紙甚至開藥(易啦…隨便開一些頭痛藥就好)，方便應徵者，說不定收到車水馬龍絡繹不絕之功效，不失為一招奇招！
Archive for 狂想曲
很多車很多女人
某年某日，上司捉左我入條Skype Channel開一個唔關我事既會。
事緣係個德國汽車雜誌客要係大陸搞網站，想話要個Crazy name，所以捉左我呢D痴線佬入去云云。
Gen名，簡單啦。上去佢個網站一睇，好多車同好多女人。
好多車…好多女人…好多車…好多女人…好多車…好多女人…二話不說「就《轟姦》啦！」
(另一個值得一提既名係《On車》，「《On車》turns you on.」)
對異性上司絕招
回想起以前第一份工，個女上司都唔知搞乜鬼既，我地成條Team一致裁定佢針對我。原因？好恰卦？
近來突然諗到招，如果可以時光倒流，咁應該可以收個女上司既皮︰
「阿Tim你點點點點點(當眾謾罵中)…」
拿，有種大家就試下，我就唔夠薑喇︰
「(故作瀟灑貌)妳，係咪鍾意我？」
「(全場肅靜)囧…」
如是者我應該會過住自由自在無人再敢針對既快樂日子…
(sorry，我真係唔敢試=_=有人試過不妨來報到一下)
斯芬克斯(Sphinx)的提問
某日路過沙漠，見到斯芬克斯(Sphinx)，唔小心俾佢捉住左問︰
「Which creature in the morning goes on four feet, at noon on two, and in the evening upon three?」
「妖，咪玩啦，我係香港人你又識廣東話，問乜鬼英文。」
「我怕問廣東話會譯得唔好嘛。」
「你英文咪又係譯番來，有種你問番希臘文。」
「你咪玩野，唔識英文我就同你公司HR講。」
「好好好，答案係Man，咁我行得未？都公元2008年啦，仲問埋二千幾年前既問題，out到爆。」
「(有氣)咁你又出題丫笨！」
「(神氣)聽住喇︰Which creature in the morning goes wooden, at noon sleepy, and in the evening energetic?」
「囧」「唔識答哩，答案係打工仔呀，400BC果個年代無D咁既野架！」
結果我都係要俾斯芬克斯吞左落肚。
